Televizioni publik gjerman ZDF do të transmetojë dokumentarin e tij të parë prodhuar tërësisht në Ultra HD/4K në 25 Shtator 2016, në orën 19.30.
Kanali kulturor europian Arte do të transmetojë programin premierë një ditë para në 24 Shatator 2016, në orën 20.15.
Dokumentari me titull Mythos Wolfskind – Mogli und die wilden Kinder ngre në fokus pyetjen se si është e mundur që një fëmijë mund të mbijetojë jashtë qytetërimit, pa përkujdesjen prindërore, i vetëm ose në shoqërinë e kafshëve.
Versioni Ultra HD do të ofrohet në download në website-in e ZDF në seksionin e serialeve dikumentar Terra X si edhe në portalin HbbTV për smart TV ndërsa në kanalin televiziv digjital tokësor, satelitor, kabllor dhe IPTV do të mund të ndiqet në versionin HD.
Për shikuesit që përdorin aparatin virtual reality (VR), ZDF do të ofrojë një version video 360° në 3D në website-in e dedikuar VR website.
