Kanë mbetur edhe pak javë nga nisja e sezonit të dytë të programit Your Face Sounds Familiar. Formati i gjigantit “Endemol” vjen për herë të dytë në ekranin e Tv Klan për të sjellë të tjera personazhe interesante dhe të tjera performanca fanstastike brenda formulës. Pas zbulimit të disa emrave që tashmë janë konfirmuar nga produksioni, Xum Allushi, Erion Mustafaraj, Beatrix Ramosaj dhe Flaka Krelani, YFSF zbulon edhe emrin e radhës.
Një prej këngëtarëve më simpatikë të skenës, që ka spikatur jo vetëm për zërin e ëmbël, por edhe për pamjen fizike, Shpat Kasapi do të sfidojë veten në një format të ri. Prej vitesh pjesë e tregut muzikor, Shpati e ka fituar vëmendjen e publikut dhe të fansave edhe me interpretimet e tij skenike, të cilat jo rrallëherë janë konsideruar edhe “provokuese” nga gjinia femërore
Me këngën, të gjitha testet kanë të kaluara, sfida e Shpatit në këtë edicion mbetet “maska”, pas së cilës ai do të fshihet javë pas jave për të sjellë personazhe të spikatur.
Your Face Sounds Familiar është një talent shoë, i cili ka filluar për herë të parë në Spanjë dhe ka protagonistë personazhe të njohur të botës së spektaklit (aktorë, këngëtarë, personalitete televizive, sportistë etj.), të cilët do të prezantojnë para një jurie profesioniste performanca të yjeve të ndryshme të muzikës. Duke “u maskuar” si këngëtarë të njohur, ata do të përpiqen jo vetëm të këndojnë si ata, por edhe të përshtaten në fizik, në moshë dhe në gjini. Spektakli do të nisë edicionin e dytë së shpejti në Tv Klan.
