RTSH hedh një tjetër hap drejt vëmendjes ndaj sportit në ekran. Pas nënshkrimit të marrëveshjes me FSHB-në për gjithë veprimtaritë e Basketbollit kombëtar për 5 vitet në vazhdim (perfaqësuese, kampionat, kupë), u firmos bashkëpunimi me FSHF-në për pasqyrimin e futbollit të Kategorisë së Parë, të moshave U 19, U 17, apo edhe futbollit në salla dhe atij të femrave për 5 vitet e ardhshme.
Javën e ardhshme, pritet edhe mbyllja e kontratës 5-vjeçare me FSHV-në dhe veprimtaritë e volejbollit shqiptar. Në kuadrin e politikës së Departamentit të Sportit në RTSH dhe vetë institucionit shprehet se Sporti Kombëtar të jetë prioriteti i tyre, por pa harruar edhe sportin cilësor ndërkombëtar ku premtojnë se do të marrin pjesë në çdo tender të drejtash televizive për të zgjeruar eventet që transmetojnë.
RTSH SPORT dhe TVSH ka siguruar tashmë këto kontrata të drejtash televizive dhe do vazhdojë të transmetojë:
- ⁃ Ndeshjet Kualifikuese për Botërorin 2018 të Shqipërisë dhe Kosovës
- ⁃ Ndeshjet kualifikuese të perfaqsueseve më të njohura evropiane.
- ⁃ Ndeshjet kualifikuese të ekipit shpresa U21 të Shqipërisë.
- ⁃ Superligën shqiptare! Çdo javë, ndeshjen më interesante!
- ⁃ Superkupën dhe Kupën e Shqipërisë në futboll.
- ⁃ UEFA Europa League, çdo javë ndeshjen më të bukur
- ⁃ Euroleague të Basketbollit!
- ⁃ NBA
- ⁃ MotoGP
- ⁃ Turnetë më të rëndësishëm të tenisit botëror
- ⁃ Botërorin e Klubeve, 2016
- ⁃ Kupën e Konfederatave, Rusi 2017!
- ⁃ Botërorët Rusi 2018, Katar 2022 fazat finale!
