Edhe pak ditë kanë mbetur dhe gjithçka është gati për të nisur një rrugëtim të ri në Tv Klan. ‘Dance With Me’, spektakli i vallëzimit që do ta bëjë të gjithë familjes të kërcejë, pas pak ditësh nis në Tv Klan.
Luiza Gega ishte e para konkurrente që u zbulua, nga pista e vrapimit, në pistën e kërcimit, kampionia shqiptare do të sprovojë veten në një profil të ri.
Ndërsa, sot, sapo janë zbuluar edhe dy konkurrentë të tjerë.
Cindy Marina
E lindur dhe e rritur në Shtetet e Bashkuara të Amerikës, Sindi vjen gjithashtu nga fusha e sportit dhe Kombëtarja Shqiptare e Volejbollit. Edhe pse mjaft e re, Sindi nisi të merret me sport në klubin e saj në Kaliforni, por edhe në skuadrën e shkollës.
Por sportistja bukuroshe nuk e ka lënë karrierën vetëm me sportin, por është bërë gjithashtu pjesë e pasarelave të bukurisë, si edhe e ekranit.
Valon Shehu
Një prej këngëtarëve më të mirë pop rock të skenës shqiptare, Valon Shehu e ka provuar veten edhe në reality show, por tani është radha në një ‘pistë’ tjetër, në një profil të ri. ‘Dance With Me’, edhe për Valonin do të jetë një sfidë e re. Se si do të duket Valoni si balerin, mbetet të presim shumë pak ditë…
