Rezart Veleshnja, një prej aktorëve më të njohur në “Portokalli”, është tepër aktiv në rrjetet sociale, ku ndër të tjera herë pas here tregon për ndjekësit momente interesante nga prapaskenat e spektakleve që bën pjesë. Sigurisht që nuk mungojnë edhe deklaratat nga ana e aktorit, që e venë në qendër të vëmendjes së publikut.
Ditën e sotme, Rezarti ka shpërndarë në Instagram-in e tij një video ku duket në krah të aktorit Romir Zalla, i rikthyer në “Portokalli” rishtazi, dhe ku po flasin për një nga rolet e tij më të njohur. Bëhet fjalë për prezantuesin e “game show-t”, dikur shumë i pëlqyer nga publiku, ndërkohë që në video Rezarti thotë edhe shprehjen: “Zoti Altin koha juaj ka mbaruar”. Një referencë kjo për këtë rol, por me shumë gjasë edhe një mesazh për regjizorin e larguar nga emisioni humorit, Altin Bashën.
Këtë të fundit e themi nisur edhe nga ajo që komediani ka shkruar bashkangjitur me video-n: “Hiqe fare këtë emrin në ambientet e Top-it se marim gjobë vetëm po ta përmendim.”
https://youtu.be/EOat2ZMBDp8
Mesazh për ish-regjizorin? Me shumë mundësi. Rikthim i Romir Zallës me këtë personazh? Shpresojmë që po.
