Jemi mësuar që gjithmonë të shohim përzgjedhje nga programet e sezonit si ritransmetim në televizionet shqiptare, ndonjëherë edhe programet më të ndjekura ndër vite, por kësaj rradhe televizioni shqiptar do të ketë diçka unike.
Si rrallë herë, Top Channel këtë verë ka vendosur të mbajë audiencën ku duke filluar nga Korriku do të nisi talent show-n i cili do të titullohet “Top Talent”, me synim për të gjetur gazetarin, regjisorin dhe moderatorin që do ti përshtatej vërtet ekranit të këtij televizioni.
Konkurentët që do të garojnë në këtë spektakël, janë pikërisht ata që iu janë përgjigjur thirrjes së Top Channel për aplikime. Ditën e shtunë, datë 9 qershor, në orën 10 pranë studiove të Top Channel do të realizohet faza e parë e përzgjedhjes së talenteve.
“Në fazen e parë aplikantët do të konkurojnë përpara një jurie profesioniste, ndërsa në fazën e dyte gjysmëfinale aplikantet e kualifikuar do të trainohen nga nje staf profesionist në Top channel.” thotë televizioni.
Spektakli do të transmetohet gjatë muajit Korrik dhe Gusht, ndërkohë për të gjithë ata që nuk kanë aplikuar ka dhe një tjetër mundësi. Top Channel fton të gjithë të interesuarit që gjatë ditës të mërkurë të dërgojnë jetëshkrimet e tyre në email-in e Burimeve Njerëzore në Top Channel./IMA/
