Termocentrali bërthamor i Zaporizhzhia në Ukrainë është nëN flakët e zjarrit, sipas Dmytro Orlov, kryebashkiaku i Energodar që gjendet në afërsi të centralit.
“Kërcënim për sigurinë botërore!!! Si pasojë e granatimeve të pamëshirshme nga armiku i ndërtesave dhe blloqeve të centralit bërthamor më të madh në Evropë, centrali bërthamor i Zaporizhzhisë është në flakë!!!” Orlov postoi në Facebook.
“Ju kërkoj të ndaloni! Ndaloni menjëherë bombardimin e termocentralit bërthamor të Zaporizhzhya, “tha kryebashkiaku në një video-mesazh.
Në një postim të mëparshëm ai shkroi, “ndaloni bombardimin e termocentralit Zaporizhzhia”.
Zjarrfikësit nuk janë në gjendje të fikin zjarrin në termocentralin bërthamor Zaporizhzhia, sipas kryetarit të bashkisë së qytetit të afërt të Energodar, Dmytro Orlov, në një postim në Facebook.
“Elektrocentrali i Zaporizhzhisë po njofton për një kërcënim në bllokun e parë të termocentralit! Zjarri në uzinë po vazhdon. Zjarrfikësit nuk mund të arrijnë vendndodhjen e zjarrit”, ka shkruar ai.
Më herët, kryebashkiaku postoi në Facebook duke thënë: “Luftime intensive po vazhdojnë në rrugët e afrimit drejt termocentralit bërthamor të Zaporizhzhia. Luftëtarët tanë të Gardës Kombëtare po mbrohen. Ka viktima, por numri dhe gjendja e saktë deri më tani nuk mund të përcaktohet në rrethanat. ”
