Dua Lipa është një nga artistet më të suksesshme në botë. Këngëtarja me origjinë shqiptare po zhvillon karrierën e saj jashtë vendit dhe që në moshë të re ajo i është dedikuar artit duke numëruar tanimë dhjetëra hite në repertorin e saj muzikor.
Albumi i fundit që ajo ka publikuar titullohet ‘Future Nostalgia’ dhe ka kryesuar në listat muzikore këtë periudhë në ‘Mbretërinë e Bashkuar’, ndërsa së fundmi artistja ka rrëmbyer edhe çmimin e rëndësishëm në “Grammy Awards 2021”.
Duke u bazuar në të listën e fituesve nga CBS News, Dua ka arritur që të triumfojë me çmimin “Albumi më i mirë Pop”, duke bërë krenarë të gjithë shqiptarët.
Pasi mori çmimin e rëndësishëm, artistja u bë mjaft nostalgjike duke u kthyer pas në kohë për t’i treguar gjithë botës mundësitë që ky album i kishtë dhënë.
“Gjithmonë them se jam shumë mirënjohëse për mënyrën se si ky album ka gjetur shtëpinë tek ju, por përtej kësaj ndihem sikur na ka sjellë më pranë njëri-tjetrit.
Më ka mësuar durimin, fuqinë, besimin, lumturinë dhe atë që duhet të bëj në mënyrë për të qenë versioni më i mirë i vetvetes. Më ka hapur një botë mundësish dhe e gjitha kjo falë jush!!.“, tha ajo.
