Largimi i Bora Zemanit nga programi i dashurisë “Për’puthen”, të cilin e prezantoi për dy sezone, shkaktoi zhurmë të madhe në rrjet. Kjo pasi u përfol për një krisje të raporteve mes saj dhe autores së programit, Olsa Muhameti.
Megjithatë, në nisjen e programit, Olsa Muhameti ka vendosur t’i dedikojë disa fjalë tashmë ish-moderatores së “Për’puthen”, Bora Zemanit.
Në një postim në Instastory Olsa shkruan:
“Nuk di nga t’ja nis e nuk di ku të mbaroj. Ti e di sa të vlerësoj në çdo aspekt, profesional, njerëzor, si këshilluese, si super mike që je, etj. Kam qenë me fat që të kam njohur e po aq me fat që kam punuar me ty.”
Në një tjetër postim ajo i uron suksese moderatores në eksperiencën e saj të re në spektaklin e kërcimit “Dancing with the stars.”
“Dhe mezi pres të të shoh të shkëlqesh në “Dancing with the Stars. Ta dish se të dua shumë”- shkruan Olsa.
Bora është përgjigjur gjithashtu me një postim në rrjetet sociale.
“Ja që ka edhe “ndarje” të bukura!” Mbyllëm dy sezone të forta por që do kujtohen me nostalgji e do na marrë malli gjithmonë! Faleminderit për mbështetjen që nuk ma ke kursyer asnjëherë! Kam besim që do bësh gjëta edhe më të bukura me energjinë dhe përkushtimin tënd! Tani, ta lemë ndarjen profesionale dhe kthehemi tek lidhja shoqërore. Nesër e lamë atë kafen?”– shkruan Bora.
Bora ka konfirmuar se do prezantojë ‘Dancing ëith the stars’ këtë sezon teksa nën drejtimin e ‘Për’puthen’ tashmë është Ori Nebiaj.
E pyetur pak kohë më parë nëse ka ndonjë krisje mes saj dhe Borës, Olsa e mohoi kategorikisht duke u shprehur me superlativa për moderatoren. Ajo e vlerësoi si punëtore dhe dinjitoze.
“Nuk ka asnjë krisje. Përkundrazi. Bora është një nga personazhet me të cilët kam punuar që gëzoj shumë respekt dhe është një gocë e veçantë. Ajo çfarë nuk ka përjetuar këtë vit dhe përpos të gjithave ishte në kulmin e saj. Por nuk ka reflektuar asgjë, asnjë ulje-ngritje. Ka ardhur në punë, ka dhënë maksimumin. Mund të bënte edhe pak shoë-of se është personazhi i momentit. Nuk e ka bërë në asnjë moment këtë. Nuk është vonuar kurrë. Është gocë punëtore dhe dinjitoze, nuk ka asnjë krisje mes nesh. Do jetë apo jo në Për’puthen le ta pleqërojmë këtë.”- u shpreh autorja e Për’puthen.
