Së fundmi në mediat indiane ka bërë bujë lajmi se disa prej aktorëve më të njohur janë përfshirë në hetimin për drogë nga Byroja e Kontrollit të Narkotikëve. Mes aktorëve të përmendur ishin edhe Sara Khan dhe Angad Hasija, të njohur si Sadna dhe Alek nga “Bidaai”.
Skandal në Indi/ Aktorët e njohur akuzohen për drogë, mes tyre “Sadna” dhe “Alek”
Pas lajmeve, dy aktorët kanë reaguar ekskluzivisht për prestigjiozen indiane “India Today”, duke mohuar të jenë përfshirë në këtë çështje.
“Nuk kisha dijeni për këtë. E mora vesh nga mediat që emri im është përfshirë. Nuk kam përdorur kurrë drogë. Nuk e kuptoj pse është përdorur emri im. Ndoshta sepse jam parë në klube duke festuar, por kjo nuk do të thotë që unë përdor drogë. Sinqerisht, nuk kam asnjë informacion” – tha Sara Khan.
“Jam i shokuar pasi mësova këtë lajm. Janë gënjeshtra dhe unë nuk kam fare lidhje me këtë. Emri im është përmendur pa të drejtë në këtë” – deklaroi Angad Hasija.
