Pas përfundimit të serialit Nikita, Top Channel sjell një tjetër premierë gjatë sezonit veror. Duke filluar nga dita e nesërme, cdo mbrëmje në orën 20:10, fanatic series do të mund të ndjekin serialin The Transporter, i bazuar në trillogjinë e filmit Transporter.
Vazhdojnë aventurat e Frenk Martinit, një shofer profesionist i pavarur, i cili huazohet për dërgesa të veçanta dhe të ndjeshme, pa bërë asnjë pyetje dhe me një çmim të caktuar, rregulla të pathyeshme, të cilat ai vetë i shkel.
Një bashkëprodhim franko-kanadez në gjuhën angleze i transmetuar për herë të parë nga kanali televiziv gjerman RTL.
Trailer zyrtar:
Seriali televiziv është një prodhim i vitit 2012. Sezoni i parë përmban gjithsej 12 episode dhe është duke u realizuar një sezon i ri. Këtë herë të drejtat e realizimit janë në dorë të rrjetit kabllor TNT Drama.
Aktorë kryesor:
Chris Vance: Frank Martin
François Berléand: Agjenti Tarconi
Andrea Osvárt: Carla Valeri
Delphine Chanéac: Juliette Dubois
Charly Hübner: Dieter Hausmann
