Top Channel ka sjell këtë fundjavë versionin më të ri të aplikacionit të saj, një version shumë bashkëkohor dhe praktik për të gjithë përdoruesit e internetit.
Aplikacioni i Top Channel është i bazuar tek informacioni, që mund të vijë në kohë reale, në një hapësirë të plotë dhe shumë të thjeshtë në përdorim. Ky version është menduar në 3 ndërfaqe informative, ku hapësirën më të madhe e zënë pa dyshim lajmet nga vendi, Kosova, rajoni dhe bota.
Një seksion i veçantë është për sportin, ku gjen shumëllojshmëri informacionesh, më pas seksioni i lajmeve rozë, për të gjitha informacionet nga bota e showbiz, lifestyle, udhëtime, teknologji, etj.
Të gjitha lajmet e fundit gjenden në një seksion të dedikuar në krye të faqes. Ndjekësit mund të zgjedhin kategori të ndryshme, sipas dëshirës dhe interesit, duke e personalizuar atë. Lexuesit mund të informohen në kohë reale për informacionet, duke zgjedhur push notifications sipas kategorisë së tyre të preferuar. Aplikacioni i Top Channel është i vetmi që e mban lexuesin brenda aplikacionit, pa e devijuar në internet explorer.
Së shpejti në këtë aplikacion do të keni mundësi të ndiqni live stream kanalin Top News. Të gjithë ata që e kanë patur versionin e vjetër kanë marrë në mënyrë automatike versionin e ri pas një njoftimit për përditësim, ndërsa të gjithë ata që duan ta kenë në celularin e tyre mund ta gjejnë lehtësisht atë në app store për përdoruesit e Apple dhe në Play store për përdoruesit Andrioid.
Top Channel
