Edhe pse me pak vonesë, ndryshe nga vitet e kaluara ku tradicionalja ishte java e parë e Dhjetorit”, Top Channel ka hapur ditën e sotme fazën e parë të Personazhit për Vitin 2017.
Në fazën e parë, nëpërmjet modulit në faqen e dedikuar publiku do të ketë mundësinë të votojë 5 personazhet më të spikatur të vitit sipas mendimit tuaj. Në fund të saj, listës me 10 personazhet më të votuar nga ju do t’i shtohen edhe 10 personazhe të zgjedhur nga Top Channel dhe së bashku do të votohen gjatë fazës se dytë.
Faza e parë përfundon me 20 dhjetor. Faza e dytë nis me 20 dhjetor dhe përfundon me 30 dhjetor. Fituesi i çmimit “Personazh 2017” do të shpallet më 31 dhjetor, gjatë edicionit të fundit të lajmeve për vitin 2017.
Për të votuar 5 emrat që ju mendoni se kanë spikatur për 2017-ën mjafton të klikoni këtu./IMAlbania.com/
