Ky Shën Valentin do të jetë i veçantë për Top Albania Radio.
Pikërisht festa e të dashuruarëve do të jetë një festë për radion e parë pas pluralizimit në vend, pasi në 14 Shkurt të këtij viti festohet 20 vjetori i TAR.
Top Albania Radio me rastin e festimit të këtij jubileu do të shoqërojë dëgjuesit e saj gjatë kësaj dite me një programacion të përzgjedhur dhe special, ku nuk do të mungojë edhe një këngë përshëndetëse e cila do të jetë një hit i kohëve kur publiku dëgjonte vetëm (legalisht) Radio Tiranën, “sot jam 20-vjeç edhe jeta më thërret’”.
Pjesë e Top Media, Top Albania do të ketë në qendër të vëmëndjes këtë 20 vjetor, publikun e vjetër që e ka dëgjuar prej vitesh. Ku të gjithë ata “dëgjues historik” të frekuencës së saj mund të bëhen pjesë e programeve të nesërme nëpërmjet mesazheve të tyre.
Top Albania Radio është një ndër radiot kombëtare në Shqipëri. Ajo u themelua me iniciativën e të ndjerit, Dritan Hoxha./IMAlbania.com/
