Thellohet skandali i abuzimit seksual me 15-vjeçaren në periferi të Tiranës, ku për momentin janë arrestuar 4 persona, mes tyre dhe ish-roja i gjimnazit. Vajza e mitur është abuzuar seksualisht mbi 15 herë nga Abaz Doku, ndërkohë një fakt i ri ka dalë gjatë hetimeve, ku në telefonin e Abazit prokuroria ka gjetur plot 19 video erotike, ku duket vajza teksa abuzohet seksualisht nga Abaz Doku, dhe tre personat e tjerë K.P, R.O dhe F.B.
LEXO EDHE:
Dëshmia e rëndë e babait të 15-vjecares së përdhunuar nga 65-vjecari: Vajza është ngacmuar…
Sipas dosjes së prokurorisë dy nga materialet filmike i janë shitur Abaz Dokut në vlerën 2 mijë lekë të vjetra, nga dy djemtë R.O dhe K.P, të cilët kishin abuzuar së bashku me vajzën e mitur dhe aktin abuzues e kishin filmuar. Këto video kanë rënë në dorë të Abaz Dokut, i cili më pas ka filluar presionet.
Prej muajit prill 2019 e deri në muajin Maj 2020 vajza e mitur është abuzuar seksualisht nga Abaz Doku. Por ajo çfarë ka zbardhur policia dhe prokuroria e Tiranës, deri në këtë fazë të hetimit është dhe përfshirja e dy vajzave të reja, që tashmë janë në vitin e parë të gjimnazit. M.C dhe një vajzë tjetër sipas kallëzueses S.Th, janë abuzuar seksualisht nga Abaz Doku dhe disa djem të tjerë të shkollës. Vendi ku tre vajzat kryenin marrëdhënie seksuale ishte pikërisht shtëpia e braktisur e vëllait të Abaz Dokut, e cila ndodhur në një distancë prej 100 metra nga shkolla, ku studionin vajzat.
LEXO EDHE:
Abuzimi i 15-vjeçares në Babrru / Flet ish-mësuesi i shkollës “Azem Hajdari”: Roja ka…
Hetimi i 5 oficerëve dhe dy prokurorëve, tashmë është përqendruar edhe tek rastet e tjera, pasi ka të dhëna se në këtë skandal seksual me nxënëset e shkollës, mund të jenë implikuar dhe disa mësues. Ende nuk ka gjë zyrtare, por policia dhe prokuroria e Tiranës ka mbledhur informacione se mësuesit mund të jenë përfshirë në këtë skandal seksual me vajzat. Rasti në fjalë po monitorohet me shumë vëmendje dhe nga Drejtoria e Arsimit Parauniversitar në ministrinë e Arsimit, ku javën e kaluar është marrë vendimi për shkarkimin nga detyra e drejtorit të gjimnazit Abaz Hoxha.
Hoxha, është drejtori që kishte punësuar si roje nate pranë gjimnazit shtetasin e arrestuar Abaz Doku. Megjithëse drejtori e ka mohuar faktin e punësimit të pedofilit në shkollë, në deklarimet që Abaz Doku ka treguar në polici se ai në momentin e arrestimit nga policia punonte si roje pranë këtij gjimnazi, shkruan Shqiptarja.com.
Konfirmimi për shkarkimin e drejtorit të gjimnazit vjen edhe nga burime pranë zyrës së Arsimit në periferi të Tiranës, të cilat thanë se:“…përgjatë një inspektimi të kryer nga Drejtoria e Arsimit Parauniversitar, janë konstatuar shkelje të rënda të drejtimit dhe menaxhimit të punës në këtë gjimnaz, duke sjellë dhe pezullimin nga detyra të Abaz Hoxhës. Pritet që në vazhdim do ketë një vendimmarrje përfundimtare për postin e drejtorit…”.
LEXO EDHE:
15-vjeçarja largohet nga familja e iu besohet psikologëve, gazetarja: Në emision kanë denoncuar edhe…
Abaz Hoxha, nuk është i padëgjuar nga media dhe drejtësia shqiptare, pasi ai rezulton të jetë marrë i pandehur nga prokuroria e Tiranës për akuzën e “Shpërdorimit të detyrës” dhe çështja momentalisht ndodhet edhe për shqyrtim gjyqësor në gjykatën e Apelit Tiranë.
Ndërkohë jo më larg se dy javë ministria shkarkoi nga detyra dhe drejtorin e shkollës “Azem Hajdari”, Besnik Daci. Ky i fundit fillimisht u pezullua, por nuk ka kaluar shumë ditë që ai të shkarkohet plotësisht nga posti i drejtorit të shkollës.
LEXO EDHE:
“Djali im u drogua nga 65-vjeçari, s’ka bërë gjë”, vëllai i 15-vjeçares së përdhūnuar…
Raprezalja e Ministrisë së Arsimit është shtrirë dhe tek tre nën/drejtorët e shkollës “Azem Hajdari”, ku është vendosur për shkarkimin e Mark Lleshit, Mimoza Dostit dhe Fatmir Gjystila. Ndërkohë që me urdhër të drejtorisë së Arsimit, është emëruar dhe drejtori i ri i shkollës “Azem Hajdari”, Maliq Qoku.
