Seriali i ri i platformës “Amazon Prime” me titull, “The Wheel of Time”, vjen i bazuar në librat fantastik të autorit bestseller, Robert Jordan.
Në vitin 2017, studioja “Sony Pictures” i bleu të drejtat e realizimit të këtij shou televiziv, por një vit më vonë platforma e njohur digjitale e morri përsipër projektin e shumëpritur nga fansat. Me një gamë të madhe të materialeve të këtij tregimi, ende pa u lansuar sezoni i parë i serialit, tashmë është konfirmuar realizimi i sezonit të dytë.
“The Wheel of Time” zë vend në një botë imagjinare të mbushur me magji. Ai e rrëfen historinë e personazhit Moiraine, anëtare “Aes Sedai”, një organizatë e fuqishme e grave të cilat mund të bëjnë magji. Ajo e dërgon një grup të përbërë nga pesë persona në një rrugëtim anembanë botës, me besimin që njëra prej tyre mund të jetë rimishërimi i Dragoit, një individ i fuqishëm i profetizuar për të shpëtuar botën ose për ta shkatërruar atë.
Në rolet kryesore të këtij projekti që tashmë ka zgjuar interesim të madh tek adhuruesit e zhanrit fantazi, luajnë aktorët: Rosamund Pike, Josha Stradowski, Marcus Rutherford, Zoë Robins, Barney Harris, Madeleine Madden dhe të tjerë.
Seriali “The Wheel of Time” do të shënojë premierën në platformën “Amazon Prime”, më 19 nëntor.
