Në natën e parë nga 15 konkurentë, katër trajnerët përzgjodhën 8 talente, të cilët do të mund të vijojnë “betejën” në “The voice of Albania” 4.
Ja cilët janë konkurentët e parë që kaluan fazën e audicioneve të fshehura:
Alma arriti të marrë në ekipin e saj: KEJSI VERCANI DHE ALDO SIMONI
Aldo Simoni
Aldo është 24 vjeç, nga Shkodra. Ai është kitarist. Aldo është vëllai i Jozefina Simoni, një nga finalistet e The Voice of Albania 2. A do të arrijë Aldo të ndjekë të gjitha gjurmët nga ka kaluar e motra?
Kejsi Verçani
Është mësuar me skenën dhe ka performuar më parë. Përveç pasionit të saj, ajo na përcjell edhe pasionin e të atit për muzikën. Kejsi është 17 vjeç, nga Elbasani, por jeton në Londër. Ka ardhur në Shqipëri, për të marrë pjesë në “The Voice of Albania”.
Sidriti arriti të marrë në ekipin e tij: JONATAN PILIKO dhe JETON GASHI
Jonathan Pilika
Jonathan është 20 vjeç, nga Tirana, studion administrim biznesi.
Jeton Gashi
Ndodh që edhe një arbitër futbolli ka dëshirë për të kënduar. Pasioni për muzikën nxitet edhe me fort kur në shtëpi sapo ka ardhur një bebe. Ai është 19 vjeç, nga Shkozeti, Durrës.
Elsa arriti të marrë në ekipin e saj: ARMAND PISTOLJA dhe XHOIS SPOREJA
Armand Pistolja
Armandi është 33 vjeç, nga Kruja dhe ka jetuar në Itali. Që pas kthimit në Shqipëri, jeta e Armandit ka ndryshuar tërësisht. Arsyeja? Ardhja në jetë e Arkidit të vogël. The Voice për të është skena më e bukur për të provuar zërin.
Xhois Sporeja
Xhois është 17 vjeçe, nga Tirana, lindur në Gjermani. Ndjek Liceun Artistik, në Tiranë, për kanto soprano-lirike, por pëlqen dhe foto-modelingun. Nuk ka ndërmend të heqë dorë nga ëndrra e saj për në Voice edhe sikur t’i thonë që ashtu duhet.
Genci arriti të marrë në ekipin e tij: ERINA SEITLLARI dhe ANDRRA ZHJEQI
Erina Seitllari
Është pasioni për muzikën që e ka sjellë këtu. Por edhe një ëndërr e parealizuar brenda familjes mund të shërbejë si një nxitje më shumë. I tillë është rasti i konkurentes së parë… Erina është 19 vjeçe, nga Pogradeci dhe studion shkenca politike.
Andrra Zhjeqi
Ndërsa Andrra vjen nga një familje intelektualësh, me të dy prindërit mjekë, por vetë do të bëhet diplomate. Ajo gëzon për çdo rast mbështetjen e tyre. Është 17 vjeçe dhe vjen nga Prishtina, Kosovë.
Konkurrentë sot në The Voice of Albania ishin edhe vajzat dhe djemtë e mëposhtëm:
Bersant Taho
Ambra Mancila
Argjend Caka
Saimir Xhindole
Sara Cena
Mark Deda
Ketjona Qoshku
Fatkeqësisht, ata nuk mund ta kalonin fazën e audicioneve të fshehura.
Takimi i rradhës me The Voice është sërisht nesër mbrëma, me të tjera audicione të fshehura.
