The Voice of Albania 5|Nata e dytë – Përmbledhja e zgjedhjeve të trajnerëve

Ka lindur në Greqi dhe jeton në Tiranë.  Ajo është me origjinë nga Shkodra. Ka mbaruar vitin e tretë  në gjimnazin “Qemal Stafa”. Ana mendon se talentin për të kënduar e ka trashëguar nga familja. Njëkohësisht me angazhimin nëpër aktivitetet e shkollës dhe jashtë saj, Ana ka marrë edhe leksione muzike. Si gjithë vajzat e moshës së saj, i pëlqen të ndihet në qendër të vëmendjes, ekrani dhe aktivitetet që e evidentojnë.

Blend Qerimi

Alberigo i bie pianos dhe kitarës. Ka marrë mësime private muzike në Shkodër. Prej moshës 14-vjeçare është angazhuar pranë shoqatës “Ambasadorët e Paqes”, si vullnetar, duke mbuluar gjithë zonën e Lezhës. Ka mbaruar Shkollën e Mesme Pedagogjike, të Gjuhëve të Huaja, në Shkodër. Studimet e larta i ka ndërprerë, për shkak duhet të largohej në Itali për motive familjare.  Pas përfshirjes me korin e kishës së Gjadrit, zbuloi se kishte talent edhe për të kënduar, gjë që e shtyu edhe më tej, duke aplikuar për në ‘The Voice of Albania 5’.

Punon si ndihmës-ekonomiste në një kompani ndërtimi, edhe pse nuk ka studiuar për ekonomik, por ka mbaruar liceun për piano. Ka qenë motra ajo që ka zbuluar talentin e saj dhe e regjistroi në lice. Tani është në procedura për të studiuar piano në Australi, aty ku jeton e motra. Ka qenë pjesë e një bande muzikore dhe ka kënduar në lokale të njohur në kryeqytet. Për momentin banda është shpërndarë, por Klaudia vazhdon të këndojë, edhe pse tanimë vetëm në dhomën e saj, me pianon e saj, me spektatorë të përkushtuar dy prindërit.

Ka kënduar që e vogël, por është ushqyer nga familja me synimet për të pasur në jetë një profesion të sigurt, ndaj edhe ndjek studimet e larta në Tiranë për matematikë. Ndërkaq, e frymëzuar edhe nga vëllai i saj, Bletari, nuk e ka lënë dëshirën për muzikën që t’i kthehet në një kujtim të bukur, prandaj edhe vjen ne ‘The Voice’, për të shpalosur para së gjithëve talentin e saj, por edhe për te shijuar një garë të veçantë së bashku me vëllanë e saj, Bletarin.

Është maturante dhe ndjek ‘Rock School’. Prej një viti është soliste e një bande rock. Këndojnë në lokale nate dhe kanë krijuar publikun e tyre të vogël. Ardiana ka fituar vendin e tretë në një festival Rock-u në Prizren  dhe ka marrë pjesë në disa koncerte në këtë qytet. Thotë se në Mitrovicë të gjithë e njohin për shkak të bandës së saj, me të cilën ushtrohet dy herë në javë, për të qenë gati për performancat live në fundjavë. I bie pianos dhe ka disa cover-a në Instagram. Thotë se kur të rritet ka dëshirë që të jetë profesoreshë e muzikës.

Student i vitit të tretë në Fakultetin e Mjekësisë. Ka filluar t’i bjerë kitarës që kur ka qenë i vogël. Kujton si gëzimin më të madh të jetës së tij, ditën kur bleu një kitarë të vërtetë. Ka kaluar disa rryma muzikore, derisa ka gjetur rrymën e tij, që ai e quan ‘indipendente’. Thotë se i pëlqen muzika që krijon ndjenjë. Shprehet se ka qenë muzikant, para se të ishte student mjekësie. Edhe kur të bëhet mjek, ai do jetë gjithmonë muzikant. Por nuk është shfaqur askund. Këndon vetëm në shtëpi. I pëlqen dizajni dhe krijon programe kompjuterike. Ndonjëherë luan basketboll.