Rrjeti amerikan The CW vazhdon të mbetet një nga kanalet më të dashur për publikun e serialeve. E vlerësuar me një çmim në Golden Globe, falë interpretimit të Gina Rodriguez në komedinë zbulim të sezonit Jane the Virgin, një ditë më parë network-u ka zbuluar në TCA Press Tour rikthimin gjatë sezonit 2015/16 të 8 serialeve.
Tituj që janë vendosur për t’u rinovuar, falë edhe shikueshmërise që kanë patur, janë Arrow (për një sezon të katërt), Supernatural (sezoni i njëmbëdhjetë), The Flash (sezoni i dytë), Reign (sezoni i tretë) dhe The 100 (sezoni tretë). The CW ka rinovuar gjithashtu The Vampire Diaries (sezoni i shtatë) dhe spin-off e këtij të fundit The Original (sezoni tretë), si dhe padyshim një cikël të ri episodesh për Jane the Virgin.
Për momentin mbeten jashtë Hart of Dixie dhe Beauty and the Beast. Për të dy serialet – sezoni i katërt i të parit pati premierën vetëm pak ditë më parë, ndërsa rikthimi i tjetrit parashikohet në muajt maj-qershor – një vendim përfundimtar do të merret pasi të ketë një rezultat për përgjigjen që do të japë publiku, siç ka theksuar presidenti i rrjetit Mark Pedowitz.
