Dy nga artistet më të njohura në skenën e muzikës shqiptare, Tayna dhe Loredana, janë gati të sjellin një super-bashkëpunim këtë javë. Lajmin e ka bërë të ditur vetë Tayna përmes një postimi në Instagram, ku ka paralajmëruar se surpriza do të publikohet së shpejti. “Kemi një befasi për juve këtë javë”, shkroi reperja, duke ndarë edhe një fotografi nga xhirimet e videoklipit.
Në postimin e saj, Tayna publikoi një sekuencë të shkurtër nga klipi i këngës së re, ndërsa i parashtroi një pyetje Loredanës: “Kur po e qesim?” Loredana, nga ana e saj, e ripostoi menjëherë këtë mesazh në llogarinë e saj në Instagram, duke ngritur edhe më shumë entuziazmin e fansave të tyre.
Ky bashkëpunim pritet të jetë një nga hitet e verës, duke sjellë së bashku dy nga emrat më të fuqishëm në muzikën shqiptare. Fansat janë duke pritur me padurim për të parë dhe dëgjuar çfarë kanë përgatitur Tayna dhe Loredana në këtë projekt të ri.
