Rodolf Byku, një nga talentet e The Voice of Albania po vazhdon të ngjis shkallët e karrierës jashtë vendit. Suedia është vendi ku këngëtari i ri po njeh sukseset e tij të para. Javë më parë në një intervistë ekskluzive për InfoMedia Albania Rod, emri i tij artistik, na tregoi më shumë për projektin e tij debutues “Light i up” dhe bashkëpunimin me producentët suedez Christian Oscarsson dhe Linda Sonnvik, me të cilët ai ka bashkëpunuar sërisht për këngën e tij më të re “Summer Paradise”. Kënga e cila vjen në duet me këngëtaren suedeze Ebba ka arritur të pozicionohet në Top 20-shen e Chart-it Suedez që në ditën e parë të publikimit në iTunes. Një sukses që duket se është pëlqyer nga publiku suedez që me dëgjim të parë.
Rodolf është shprehur mjaft i kënaqur për këtë arritje dhe që kënga e tij më e re është renditur që në ditën e parë ndër këngët më të pëlqyera në Suedi.
Summer Paradise do të shoqërohet edhe nga videoklipi zyrtar që do të publikohet në datë 5 gusht, trailer-in e të cilit mund ta ndiqni më poshtë.
