Ethet e Botërorit na kanë përfshirë të gjithëve ndaj ju lëmë takim përpara ekranit të Tring Sport 1 HD për të shijuar së bashku emocionet e Rusi 2018. Tring do t’ju përcjellë të rejat më të fundit nga ky kampionat në Extra Time World Cup nën moderimin e Eva Muratit. I gjithë kompeticioni sportiv do të pasqyrohet nëpërmjet 10 emisioneve gjithsej. Me një panel të përbërë nga 4 të ftuar: specialistë futbolli dhe gjykimi si dhe të ftuar nga bota e spektaklit, humorit, televizionit, apo edhe politikës. Programi do të realizohet në formë spektakli, ku do të pasqyrohen golat e ndeshjeve të luajtura dhe do të përgatiten materiale të ndryshme si kuriozitete, momente të diskutueshme etj. Megjithatë, surprizat nuk mbarojnë me kaq. Magjinë e kampionatit botëtor do të mund ta përjetojnë të gjithë sepse çdo të mërkurë dhe të enjte Tring Sport 1 HD do të qëndrojë i hapur. Në orën 22:00, gjatë këtyre ditëve, ju presim në Extra Time World Cup.
