Ndonëse ndodhet jashtë Shqipërisë prej muajsh, Stresi duket se po e shfrytëzon këtë kohë edhe për muzikë të mirë. Reperi ka bërë me dije në rrjetet sociale se po vjen me një bashkëpunim me një reper ndërkombëtar.
Ai ka publikuar në Instagram një video me reperin e famshëm anglez, C Biz, ku shihen në një studio muzikore, në të cilën po punojnë për një bashkëpunim. Në postimin e tij Stresi ka shkruar se ndihet shumë i nderuar që pati mundësinë të njihet me C Biz dhe që për më tepër do të ketë edhe një duet me të në repertorin e tij.
Biz është një nga reperët më të mirë dhe të vjetër në Mbretërinë e Bashkuar dhe emri i tij vazhdon të jetë trend në listat muzikore. Një nga këngët më të famshme të reperit britanik është “The Game’s Mine”, që numëron miliona klikime.
