Ditë më parë ju kemi informuar se Ermal Peci, imazhi i njohur i Agon Channel do të rikthehej sërish në ekran me emisionin “Një Kat Më Lart” në ekranin e INTV, duke zënë slotin kryesor të pasditeve të së shtunave gjatë këtij sezoni.
Duke filluar që nga ora 17.00, moderatori Peçi ju pret në ekranin e INTV për të zbuluar së bashku dhe për të shuar kuriozitetin për personazhet që ne i shohim nga ekrani dhe i ndjekim çdo ditë nga ekrani.
Skenografia ashtu si dhe emisioni, është krejtësisht e re në INTV. Duke folur për IMAlbania.com, Ermal Peçi shprehet: “Skenografia, është ashtu si do të dëshiroja të ishte shtëpia ime ideale. Gjithashtu një tjetër detaj që e vërteton këtë është pikërisht edhe loja “Tetris”, e preferuara ime që më bën të ndihem në studio si në shtëpinë time.”
Të ftuarit e kësaj puntate të parë do të jenë këngëtarja e njohur Eranda Libohova dhe Linda Reji. Por çfarë kanë rrëfyer ato përballë Ermalit? Duhet të presim orën 17:00 për më tepër./IMALBANIA.COM/
