Duke filluar nga nesër, Top Channel do të transmetojë një nga serialet më të njohura britanike, “Mbretëresha e Bardhë” (The White Queen), çdo të martë në orën 21:00, për 10 episode rresht. Ky serial, i cili ka fituar popullaritet të madh në Britani dhe është transmetuar më parë në BBC, portretizon një nga periudhat më dramatike të historisë angleze, Luftën e Dy Trëndafilëve, që tregohet përmes këndvështrimit të tre grave të fuqishme: Elizabeta, Margareta dhe Ana.
“The White Queen” ka marrë vlerësime të shumta, duke qenë i nominuar për çmime të rëndësishme, përfshirë tre Golden Globe, katër Primetime Emmy Awards, dhe një People’s Choice Award. Seriali pasqyron vitin 1464, kur Eduardi IV, një i ri i pashëm nga Shtëpia e Jorkut, bëhet mbret me ndihmën e Lord Uoruik, por gjërat ndërlikohen kur ai bie në dashuri me Elizabetën, duke prishur planet e fuqishme të Uoruikut për të kontrolluar fronin.
Konflikti midis Shtëpisë së Jorkut dhe Shtëpisë së Lankasterit për fronin e Anglisë sjell luftëra të përgjakshme dhe betejë për pushtet, ku secila nga këto gra do të bëjë gjithçka për të arritur qëllimin e saj. “Mbretëresha e Bardhë” është një histori e mbushur me dashuri, tradhti, luftë dhe manipulim, që do të mbajë shikuesit të mbërthyer para ekranit.
Mos e humbisni këtë serial të fuqishëm historik, duke filluar nga nesër në Top Channel!
