Sonte, e mërkurë, 25 maj në orën 21.10 në transmetim direkt në Canale 5, mbahet finalja e edicionit të pesëmbëdhjetë të talent show Amici di Maria De Filippi. Talent show mjaft popullor edhe në vendin tonë, nga kanë dalë talente si Leon Cino, Klajdi Selimi, Anbeta Toromani dhe më e fundit Klaudia Pepa, do të shpall sonte fituesin midis katër pretendentëve, tre këngëtarëve Elodie, Lele e Sergio dhe një balerini Gabriele të cilët do të konkurrojnë në një seri provash me eliminim live.
E ftuar e mbrëmjes balerina Eleonora Abbagnato, që do t’i bashkohet gjyqtarëve të tjerë të formatit Morgan, Loredana Bertè, Anna Oxa dhe Sabrina Ferilli. Sëbashku me ta, jo më në rolin e coach në puntatën e fundit, Elisa, Emma, Nek dhe J-Ax.
Do të jetë publiku që do të dekretojë fituesin e #Amici15 nëpërmjet televotimit, votimit online në applikacionet dhe rrjetet sociale zyrtare.
