Gazetarja e njohur Sonila Meço ka njoftuar rikthimin e saj në ekran me sezonin e ri të emisionit të saj “Task Force” në Syri TV. Duke filluar nga sot, emisioni do të transmetohet drejtpërdrejt nga e hëna në të enjte, në orën 18:00, me një ritransmetim në orën 23:30. Në një postim në profilet e saj në rrjetet sociale, Sonila njoftoi rikthimin me mesazhin: “Vijojmë…ku e lamë…” duke premtuar një vazhdimësi të analizave të thelluara dhe diskutimeve mbi çështjet politike dhe sociale.
Për këtë sezon, Sonila Meço do të jetë e shoqëruar nga dy emra të njohur të gazetarisë shqiptare, Armand Maho dhe Bledian Koka, të cilët do të analizojnë dhe diskutojnë ngjarjet më të rëndësishme të ditës. Emisioni do të vijojë të sjellë të ftuar specialë dhe do të trajtojë tema aktuale me një qasje kritike dhe të thelluar.
“Task Force” do të jetë i disponueshëm jo vetëm në Syri TV, por edhe në çdo platformë dhe rrjet social, duke u mundësuar ndjekësve ta shohin live dhe online nga kudo. Ky sezon i ri premton të sjellë diskutime të rëndësishme dhe analiza të detajuara që synojnë të informojnë dhe angazhojnë publikun.
