Të kryesh detyrën e gazetarit dhe të investigosh për duart e lyera me gjak të Erion Veliajt mund të të vërë në rrezik punën dhe mbijetesën e familjes. Kjo ka ndodhur me drejtoreshën e lajmeve të A1 News Alida Tota e cila po investigonte lidhur me kushtet dhe rrethanat e vdekjes së Arditit 17 vjeçar në Landfillin e Sharrës. Gazetarja Tota i ka çuar edhe sms kryetarit bashkisë Erion Veliaj ku i kërkon prononcim për rastin konkret.
Sms e Alida Totës drejtuar Erion Veliajt
Fillimisht gazetarja Alida Tota ka marrë disa kërcënime për të mbyllur gojën dhe menjeherë Erion Veliaj i njohur për propagandën por jo për punën e tij ka vënë në jetë planin famëkeq duke e hequr nga puna gazetaren në fjalë si drejtoreshë e lajmeve në A1 News. Pronari i ri Neritan Gjodeshi ka blerë 100 % aksionet e A1 News. Gjodeshi ka qene drejtor i UKT-se dhe akuzohej per pervetësim të disa tenderave. Ai u shkarkua nga Veliaj pasi tenderat që hapte nuk ia jepte miqve te kryebashkiakut. Por tani duket se i kane rregulluar marredhëniet ku Gjojdeshi bashkë me median e tij është vënë në dispozicion dhe shërbim të Veliajt. Në kushtet kur hajdutët e ndajnë bashkë plaçkën e luftës ka mbërritur shkresa që njofton Alida Totën për ndërprerje të menjëhershme të mardhënieve të punës.
E kontaktuar nga Boldnews.al ish-drejtoresha e lajmeve në A1 News dhe gazetarja me përvojë kryesisht në çështjet sociale dhe në mbrojtjen e të drejtave të grave i bën një përmbledhje situatës së krijuar.
Edhë juristja e këtij televizioni që ka përpiluar vendimin është një punonjësje e larguar nga UKT, por njesoj si drejtori Neritan Gjodeshi kanë shfaqur anën e tyre të njerëzve pa shtyllë kurrizore.“Pardje dhe dje publikuam në A1 News dëshmi ekskluzive sesi shfrytëzoheshin fëmijët në Landfill-in e Sharrës, ku u masakrua djali 17 vjeç. Në dëshmitë e siguruara, përmendej kryebashkiaku Erion Veliaj që ka favorizuar kompaninë e riciklimit që merrte 15 mijë euro/muaj nga Bashkia për riciklimin e mbeturinave në Sharrë. Me pas A1 News publikoi disa sekuenca ku dëshmohej se natën vonë, parmbrëmë i kishin përzënë punëtorët nga landfilli me një urdhër mbyllje nga Bashkia e Tiranës, i nisa sms kryebashkiakut Erion Veliajt për të dhënë prononcim për këtë dëshmi, për të qenë të balancuar në qëndrime. I shkruajta që jam Alida Tota Drejtore e Lajmeve ne A1 News. Nuk kthehu përgjigje dhe gazetarët e A1 News shkuan po ashtu te Bashkia, e cila iu refuzoi përgjigjen. Pas stand up të gazetares në Bashki, Drejtori i televizionit, ish drejtori i ujësjellësit Neritan Gjojdeshi thërret redaktorin tim dhe i thotë pse sulmoni Veliajn. Ai i thotë duhet të flisni me Alidën se ajo është drejtoresha e lajmeve dhe ju ka informuar për deshminë e Sharrës. 1 orë më vonë Gjojdeshi kishte urdhëruar juristin e A1 News të hartonte shkresën e pushimit nga puna dhe më njoftoi vendimin për largimin.”- thuhet në reagimin e gazetares Alida Tota.
Skandali i landfillit ku janë të përfshirë vetë kryetari i bashkisë Erion Veliaj dhe pronari I gazetës shqiptarja.com Carlo Bollino ka bërë që media ta kaloj si pa u ndier humbjen e jetës së 17 vjeçarit Ardit Gjokolaj. Është një klimë që i ngjan asaj të vendeve diktatoriale kjo e krijuar nga diktatori Veliaj në Tiranë. Nëpërmjet kulaçit dhe kërrbaçit ai ia ka dalë që të paraqes vetëm kronika të montuara vetë në televizionet kryesore të Tiranës. I njohur si njeriu që s’bën asgjë, por që propagandon shumë Veliaj ja ka dalë tu shpëtoj dhe zërave kritikë të mediave ndaj kryeministrit Rama. Veliaj bën punën e propagandës dhe jo propagandën e punës, dhe megjithëse nga pikpamja intelektuale ai ia ka dalë ti eunukëzoj mediat kryesore në vend.
Nëpërmjet reklamave dhe tenderave ka arritur të kërcënoj cilindo që guxon të kritikoj paaftësinë dhe bërjen e asnjë punë në Tiranë që prej vitit të kaluar kur u zgjedh nga qytetarët për të qeverisur kryeqytetin dhe jo për të servirur kaseta të montuara si popstar nëpër televizione.
Marre nga BoldNews.al