Eurovision Young Musicians, një version “klasik” i Eurovision do të ketë si pjesëmarrës për herë të parë edhe Shqipërinë.
I iniciuar në vitin 1982 por aspak i njohur për publikun Shqiptar, eventi i Eurovision vendos në garim muzikën klasike në rang ndërkombëtar.
Për herë të parë edhe Shqipëria do të marrë pjesë në EYM, ku RadioTelevizioni Shqiptar ka hapur edhe garat për të përzgjedhur fituesin i cili do të përfaqësojë vendin tonë në eventin që do të mbahet në Edinburg në datat 18-23 Gusht mes 18 shteteve të tjera.
Konkursi për vitin 2018do të fillojë raund eliminimi gjysmëfinal, i cili do të marrë formën e recitaleve të dhomës nga të gjithë garuesit më 18-19 gusht, me të gjitha recitalet e prodhuara nga BBC Radio 3, për shpërndarje në rrjetin Euroradio. Koncerti final do të zhvillohet në vendin më të njohur të qytetit, Hall Usher, më 23 gusht 2018, me muzikantët e shoqëruar nga Orkestra Simfonike Skoceze e BBC, nën drejtimin kryesor te dirigjentit Thomas Dausgaard.
Kriteret për pranimin e konkurrentëve:
- Mosha e lejuar për të marrë pjesë është 12-21 vjeç.
- Përzgjedhja do të kryhet nga një juri profesioniste.
Procesi i përzgjedhjes kalon nëpër këto faza:
Faza 1: Aplikimet (Formulari i aplikimit, bashkangjitur një foto e aplikantit, fotokopje pasaporte/ kartë identieti).
Faza 2: Audicionet (Në fazën e audicioneve, secili instrumentist duhet të luajë një vepër muzikore 5-5 minuta e gjysmë, repertor solo ose të shoqëruar në piano.
Faza 3: 10 gjysmëfinalistët do të luajnë një kohë të një vepre muzikore, shoqëruar nga Orkestra Sinfonike e RTSH-së, deri në 12 minuta program (filmim dhe transmetim nga RTSH).
Faza 4: Koncerti final do të prezantojë 6 muzikantët më të talentuar.
Finalistët do të vlerësohen nga një juri profesioniste.
Muzikantët duhet të luajnë në këto instrumente:
- Brass(Trompë, Trombon, Korno, etj)
- Woodwins (Flaut, Klarinetë, Oboe, Fagot, etj)
- Keyboard (Piano, Harpë, Fizarmonikë, etj)
- Strings(Violinë, Viola, Violonçel, Kontrabas, Kitarë akustike, Mandolinë, etj.)
- Perkusion(Ksilofon, Marimba, Timpan, etj)
Të interesuarit për të marrë pjesë në konkurimin në rang lokal duhet të paraqesin plotësimin e formularit i cili mund të gjendet në faqen zyrtare të RadioTelevizionit.
