Herë pas here në IMA kemi përcjell lajme mbi formatet që do të vijnë në sezonin e ri televiziv të Top Channel, për ata që mund t’i kenë humbur i mësoni më poshtë të përmbledhura.
Wake Up
Emisioni i mëngjesit “Wake Up” do të vijë me një studio të re, rubrika të reja dhe bashkë me Eno Popin çdo mëngjes do të jetë edhe Mira Kazhani, për të bërë bashkë zgjimin me emisionin “Wake Up”
Pasdite në Top Channel
Përsa i përket emisionit “Pasdite në Top Channel” ai do të vijë çdo pasdite me ju me Jonida Shehun, nga e Hëna në të Premte në “Top Channel”
Fiks Fare
Emisioni investigativ ka nisur trasmetimet për këtë sezon në datë 31 gusht, nga e hëna në të enjte nën prezantimin e Fiorit dhe Doktorit, ndërsa të premten Albana Osmani dhe Doktori, ashtu si sezonin e kaluar.
SHQIP nga Rudina Xhunga
Këtë sezon do të mbyllet programi i së hënës “SHQIP nga Rudina Xhunga” pas disa vitesh trasmetim ky emision nuk do të jepet më.
Pop Channel
Edhe emisioni “Pop Channel” me Ardit Roshin nuk do të trasmetohet më. Flitet se ky program do të kalojë në kanalin T të Digitalb.
Program i ri – Ende i pa konfirmuar
Arbana Osmani do të rikthehet këtë sezon në Top Channel pas disa muaj shkëputje, nuk dihet ende se cilin emision do të drejtojë.
Dance Moms – Ende i pa konfirmuar
Ndërsa për Xhemi Shehun flitet se do të moderojë një format të ri, një Show kërcimi të quajtur “Dance Moms” dhe pse asgjë e konfirmuar.
MasterChef Albania – Sezoni 3
Formati më i suksesshëm i gatimit pritët në nisë në fillim të sezonit të ri televiziv, edhe këtë sezon ai vjen me shumë risi.
Portokalli
Përsa i përket “Portokalli” pritet të nisë gjatë muajt Tetor, serish ky show vjen nën prezantimin e Eneida Tarifa dhe Salsano Rrapi, sezon e kaluar ishte dhe Xhemi Shehu prezantuese, nuk dihet këtë sezon a do të jetë në “Portokalli” apo do të nis formatin e ri “Dance Moms”
Top Story
Emisioni “Top Story” ka nisur dhe do të vijë si gjithmonë çdo të Ënjte me gazetarin Sokol Balla.
Select
Marina Vjollca nuk do të jetë më në “Select” gjithashtu dhe Luana nuk do të jetë më në parashikimin e motit. Parashikimi i motit do të jepet nga një vajzë e re.
Marina do të jetë edhe këtë sezon në “Proçesin Sportiv” me Edi Manushin çdo të Hënë, ndërsa flitet se një projekt i ri i pret motrat Vjollca në “Top Channel”
Në Shtëpinë tonë
Alban Musa pas “A1 Report” vjen në “Top Channel” me emisonin e ri Në Shtëpinë tonë.
E Diell
E Diell pritet të nisë në fund të muajt Shtator, çdo të Dielë në një maratonë argëtuese. Përsa i përket moderimit, ende nuk jepen detaje se kush do të jenë prezantuesit.
