Një prodhim i vitit 2015 nga DigitAlb, me regji nga Erion Bubullima, do të vijë si premierë këtë gjatë javës në Digi Gold.
Një nga të paktat produksione shqiptare për ekranin e madh, që publiku pati mundësi të shikojë gjatë muajit dhjetor të vitit të kaluar, vjen tashmë në ekranin e vogël në kanalin PPV të Digitalb. Një komedi e bazuar në veprën “Harroje dashurinë” të Erion Kame. Një shkrimtar librash për fëmijë, i cili e ka të pamundur të përshtatet në një shoqëri që funksionon larg ideve të tij romantike, pëson një amnezi të përkohshme, ç’ka e bën të rishikojë marrëdhënien me bashkëshorten që e tradhton sistematikisht, partnerët të cilët përdorin të gjitha mënyrat për ta zhvatur si dhe miqtë e vjetër që e keqtrajtojnë, nën një këndvëshrim të ri.
Regjia
Erion Bubullima
Skenari
Erion Kame, Genc Përmeti, Thomas Logoreci
Aktorë:
Genc Fuga, Gent Kame, Egla Ceno, Gezim Rudi, Dejvid Muka, Arjola Basho, etj…
Zhanri
Komedi
