Në fakt nuk është një spin off i Sarasvatiçandra tek TV Klan, por një prodhim krejtësisht origjinal shqiptar i krijuar nga tri djem aktor dhe të aftë për të bërë humor. E kam fjalën për “Sarasvati Shakira”, një seriali jo më shumë se 10 minuta, premiera e të cilit ishte në një kanal të Youtube , ku suksesi i shikueshmërisë që ai pati në katër episodet e para ka bërë që INtv ta përzgjedhi si një nga serialet e tij për sezonin e ardhshëm.
Përsëri nuk ndalemi nga drama!
Një ide e Alex Seitaj, djali ekstravagant të cilin e kemi parë në Fresk Fare/The Mams apo edhe të performoj në Kënga Magjike, nën ndihmën e aktorëve Marsion Durmishi dhe Silvester Cekodhima, “Sarasvati Shakira” është një serial dramatik shqiptar i cili është i ndërthurur me humorin, ndryshe nga ç’ishim mësuar më parë i cili trajton historinë e dashurisë së një çifti, dhe urrejtjen e mamasë së djalit që ka për nusen e re, e sapo ardhur në shtëpi.
Seriali do të fillojë së shpejti në INtv, ndërkohë ju mund të ndiqni 4 epsiodet e tij të para në YouTube.
Copyright IMAlbania.com
