Këngëtari i dashur shqiptar, Robert Berisha, ka zbuluar lidhjen e tij të re dashurie me Ana Skrel. Kjo lidhje, e cila kishte filluar të dalë në pah përmes postimeve në Instagram, u konfirmua së fundmi kur Ana i bëri këngëtarit një dedikim të veçantë për ditëlindjen e tij.
Në një postim të ëmbël në InstaStory, Ana shkroi: “Urime ditëlindjen burrit që ma rrëmbeu zemrën”. Ky dedikim zbuloi jo vetëm ndjenjat e saj të thella, por edhe faktin që është e dashura e re e artistit të njohur.
Deri më tani, Roberti kishte mbajtur një farë rezerve dhe nuk kishte zbuluar asnjë detaj rreth partneres së tij të re. Por, me këtë dedikim të dashurisë, tani është e qartë se ata janë një çift dhe ndajnë një lidhje të fortë.
Fansat dhe ndjekësit e Robertit janë të emocionuar dhe kanë shprehur gëzimin e tyre për këtë hap të ri në jetën e artistit. Duket se Roberti dhe Ana janë vërtetë të lumtur së bashku, dhe kjo lidhje pritet të sjellë shumë gëzime të reja në jetën e tyre.
