Maurizio Costanzo Show është talk show i krijuar dhe i drejtuar nga Maurizio Costanzo që, duke filluar nga kjo mbrëmje, e diel12 prill 2015, rkthehet në transmetim pas një mungese gjashtë vjeçare, me katër emisione në prime time në Rete 4.
Sipas traditës së emisionit, Maurizio Costanzo do të mirepres disa të ftuar me të cilët do të zhvilloj një intervistë. Edhe këtë edicion të ri nuk do të mungojë orkestra e vogël që do të shoqërojë gjithë atmosferën.
Emisioni i parë do të hapet me siglën e njohur të programit, Se penso a te, e kompozuar nga pianisti Franco Bracardi.
Maurizio Costanzo Show është një program i ideuar nga Alberto Silvestri dhe Maurizio Costanzo prodhuar nga Fascino P.G.T. për Mediaset. Regjia nga Valentino Tocco.
Të ftuarit e emisionit të parë të Maurizio Costanzo Show do të jenë prezantueset Maria De Filippi dhe Mara Venier, aktorja Sabrina Ferilli, e shoqëruar nga babai i saj Giuliano, Erminia Manfredi, gruaja e Nino Manfredi, Morena Zapparoli, partnerja e fundit e Gianfranco Funari, Marina Donato, gruaja e Corrado, Enzo Iacchetti, Rocco Siffredi, i shoqëruar nga gruaja Rozsa Tassi, dhe Marina La Rosa.
Programi Maurizio Costanzo Show rikthehet në ekran pas një mungese të gjatë. Edicioni i fundit, u transmetua në 2009 në Canale 5.
