Me përfundimin e sezonit të tretë të Masterchef Albania duket se ka përfunduar edhe aventura e shefit Renato Mekolli në këtë talent show. Pjesëmarrja e tij në formatin e Top Channel në edicionin e ri nuk ka ende një përgjigje zyrtare edhe pse ishte vetë Renato javë më parë që la të kuptohej se ai nuk do të shfaqej më në këtë show. Por shefi sipmatik i ekranit ndoshta eshte duke përgatitur diçka të re në televizion. Orë më parë ai ka publikuar në rrjetet sociale një foto me logon e formatit të njohur “Hells Kitchen”, duke tërhequr vëmendjen e publikut. Edhe më parë ne kemi shkruajtur për interesimin e televizioneve konkurente të Top Channel për sjelljen e një formati mbi gatimin dhe padyshim Hell’s Kitchen është nga më të suksesshmit pas Masterchef. Por a do të jetë Renato Mekolli shefi i këtij formati apo thjesht foto e postuar prej tij ka qenë një provokim i radhës?
