Policia ka arrestuar një burrë të dyshuar për vrasje të motivuar seksualisht dhe kanibalizëm pasi kockat e një viktime u gjetën në një park në Berlinin verior.
Ekspertët e Forenzikës përcaktuan se eshtrat i përkisnin një 44-vjeçari i cili u zhduk dy muaj më parë.
Mediat gjermane raportojnë se ishin qentë Sniffer e çuan policinë në banesën e të dyshuarit në Berlin. Mësohet se ai është një mësues 41-vjeçar i matematikës.
Eshtrat e 44-vjeçarit u gjetën në parkun Buch më 8 nëntor nga njerëzit që ishin duke shëtitur.
Një polic i tha të përditshmes së Berlinit BZ se një kockë ishte “plotësisht pa mish” dhe kishte indikacione të tjera “që na bëjnë të dyshojmë fort se Stefan T ishte viktimë e një kanibali”.
Vrasësi i dyshuar, i quajtur vetëm si Stefan R. kishte vizituar “dhomat e bisedave përkatëse në internet”, njoftoi agjencia gjermane e lajmeve DPA. Është zakon që sipas ligjeve gjermane të privatësisë të mos zbulohen mbiemrat në hetimet policore.
Stefan T, një inxhinier elektrik, u largua nga banesa e tij pak para mesnatës së 5 shtatorit dhe më vonë u raportua i zhdukur nga shokët e banesës.
Media gjermane po krahason këtë rast me atë të Armin Meiwes, një kanibal gjerman i burgosur përjetë në vitin 2006. Ai u zbulua se kishte takuar viktimën e tij në internet për njerëzit e interesuar në kanibalizëm. Ai filmoi vrasjen dhe prokurorët thanë se 44-vjeçari Meiwes, kishte vrarë viktimën e tij, një mashkull 43-vjeçar mashkull për kënaqësi seksuale.
