Kompania mediatike gjermane ProSiebenSat.1 do të transmetoj përmbajtjet e programeve të tij në Ultra HD (UHD) në kanalin e krijuar apostafat, ProSiebenSat.1 UHD.
Kanali do të shpërndahet për familjet nëpërmjet satelitit DTH përmes Astra (19.2 ° Lindje) në platformën me pagesë HD+. Fillimi do të jetë me ndeshjen e hapjes sezonale të ligës gjermane të futbollit Bundesliga midis FC Bayern Munich dhe Borussia Mönchengladbach më 13 gusht 2021 në orën 19:00 CEST.
ProSiebenSat.1 UHD do të transmetojë në frekuencën 10.993 H (SR 22,000, FEC 5/6). Përveç sporteve të drejtpërdrejta, orari do të përfshijë programe të zgjedhura nga kanalet Sat.1, ProSieben, Kabel Eins, ProSieben Maxx dhe Kabel Eins Doku në UHD/HDR siç janë shfaqjet argëtuese, filmat, seritë dhe dokumentarët.
ProSiebenSat.1 ka shfaqur programe të zgjedhura në UHD në kanalin UHD1 nga HD+ që nga viti 2018. Konkurrenti RTL ka operuar me kanalin e tij UHD, RTL UHD, që nga prilli 2018.
