RTSH1-HD sjell magjinë e festave në shtëpitë tuaja, me një pako festive plot dhurata, për të gjitha moshat. Nata e ndërrimit të viteve rikthen programin festiv “Ti je festa ime 2” që do ju mbajë mbërthyer para ekranit, për rreth 6 orë transmetim maratonë: Humor nga e gjithë Shqipëria, muzikë e zgjedhur dhe performanca të jashtëzakonshme, të gjitha në një mbrëmje të vetme.
Dita e parë e vitit 2018, do sjellë ekskluzivisht, Koncertin e Madh të Vjenës, për t’i lënë vendin në mbrëmje Galasë madhështore “Pop stars to Opera stars”. Por festat vazhdojnë në RTSH1-HD.
Filma premierë dhe personazhet më të dashura të fëmijëve do të gjallërojnë ekranin përgjatë gjithë javës. Muzikë e zgjedhur për fëmijë e të rritur, koncertet dhe eventet më të spikatura shqiptare e botërore, magjia e cirkut dhe shumë ngjarje të tjera televizive do ta bëjnë ekranin e RTSH1-HD alternativën tuaj të preferuar! RTSH1-HD: Ti je festa jonë!
https://youtu.be/J47jOQ042gI
