Filmi reboot i Power Rangers është ende në faze produksioni, por mesa duket Lionsgate është mjaft e kënaqur me rezultatin e arritur deri tani sa CEO Jon Feltheimer, gjatë asamblesë vjetore të aksionistëve, ka deklaruar:
Jemi vërtetë të ngazëllyer nga filmi i ri i Power Rangers, qa sa mund t’i japim jetë pesë, gjashtë ose shtatë kapitujve të këtij franchise.
Mbetet vetëm për të parë nëse publiku do të pëlqejë filmin e ri duke i krijuar kushtet e përshtatshme entuziasmit të produksionit për të vazhduar me filmat e tjerë.
Lionsgate ka vendosur datën e premierës së filmit ri në 13 janar 2017 dhe pas pas publikimit të fotove të para zyrtare të cast-it dhe kostumeve, interesi i ka qenë i madh.
Sinopsi zyrtar i filmit të ri:
Power Rangers ndjek historinë e pesë nxënësve të zakonshëm të një shkolle të mesme që do të fitojnë fuqi të jashtëzakonshme për të mbrojtur qytetin e tyre të vogël Angel Grove dhe të gjithë botë në prag të shkatërrimit nga një kërcënimi alien. Fati do që heronjtë tanë të jenë të përzgjedhurit dhe të vetmit që mund të shpëtojë planetin. Por për të bërë këtë do të duhet të kapërcejnë problemet e tyre për tu bashkuar si Power Rangers para se të jetë tepër vonë.
Filmi që po prodhohet nga Lionsgate dhe Saban Films ka për skenarist Ashley Miller dhe Zack Stenzt (X-Men: Fillesa), ndërsa Roberto Orci është i angazhuar me produksionin. Subjekti i filmit do të fokusohet, ashtu si në serialin origjinal, në jetën e një grupin prej pesë adoleshentësh që bëhen mbrojtës të Planetit Tokë pasi kanë zotëruar fuqi jashtëtokësore.
Në cast gjejmë Dacre Montgomery në rolin e Jason si Red Ranger, RJ Cyler në rolin e Billy si Blue Ranger, Naomi Scott në rolin e Kimberly si Pink Ranger, Becky G në rolin e Trini si Yellow Ranger, Ludi Lin në rolin e Zack si Black Ranger dhe Elizabeth Banks në rolin e Rita Repulsa.
Përveçse një serial i suksesshëm televiziv i transmetuar nga viti 1993 dhe 1996, Power Rangers vazhdojnë të jenë në ekran prej dy dekadash në versione të ndryshme. Janë realizuar edhe dy filma për kinemanë: Mighty Morphin Power Rangers: the Movie, i vitit 1995, dhe Turbo: A Power Rangers Movie në vitin 1997.
