Po bëja shaka’- ka thënë Gülsen, një nga këngëtaret e preferuara të rinisë turke. Nuk e kishte imagjinuar kurrë se do të burgosej për “nxitje të urrejtjes dhe armiqësisë” për një koment, qoftë edhe të vrazhdë.
Por çfarë ka thënë konkretisht artistja në fjalë?
Gjatë një koncerti prillin e kaluar, Gulsen po tregonte shaka për muzikantët që e shoqëronin në skenë. Për njërën prej tyre ajo tha se “perversiteti” ndoshta ishte për shkak të frekuentimit më herët në shkollën fetare Imam Hatip.
Sipas raportit të Deutsche Welle, çështja është veçanërisht e ndjeshme për të bërë shaka në Turqi, kur edhe presidenti Tayip Erdogan ka ndjekur këtë shkollë të veçantë fetare. Këngëtarja është arrestuar dhe nga e premtja është thirrur në një gjykatë turke.
Erdogan vs LGBTQI
Pozicioni i saj ndoshta është i rënduar nga gatishmëria e saj për të mbështetur hapur meshkujt homoseksualë, lezbiket, të gjithë anëtarët e komunitetit LGBTI në Turqinë e sotme. Presidenti Erdogan jo vetëm që ka një pikëpamje të ndryshme, por së fundmi ai deklaroi se komuniteti LGBTI po “degjeneron vlerat e familjes” dhe për këtë arsye ndikimi i tij duhet të kufizohet.
