Nëqoftëse javën e kaluar kur ishit duke u futur për në zonën e ish-bllokut ju ra në sy një ekran i madh tek Parku Rinia dhe aty një grup i madh me shumëllojshmëri grupmoshash atëhere mendojmë se mund të dini pak a shumë përgjigjen.
Tashmë KinoKlub Tirana çdo të Enjte mbrëma, këto ditë të ngrohta vere ju fton në orën 21.00 të bashkoheni në Parkun Rinia për të shijuar një film në kinemanë verore.
Ndërsa javën e kaluar ishte filmi “Tirana Viti Zero” i cili tërhoqi vëmëndjen e shumicës, këtë javë klubi i kinemasë në Tiranë ka vendosur të sjellë një prodhim tjetër botëror të titulluar “Po tani ku do shkojmë?”.
Sinops
Në një fshat të Libanit janë gratë ato që bëjnë gjithçka për të pajtuar burrat e tyre nga një konflikt i madh midis besimeve të ndryshme. Ato e kanë kuptuar fuqinë e tyre nëse do të jenë të bashkuara!
Trailer
Po ju e keni kuptuar fuqinë tuaj për të qënë së bashku dhe të heqim traditën e kafeneve të rëndomta të paktën edhe njëherë në javë? Bëj ndryshimin, eja të Enjten në orën 21.00 edhe InfoMedia Albania ju mirëpret së bashku me KinoKlub!
