Plus Communication, kompania shqiptare e telefonisë së lëvizshme po tërhiqet nga tregu. Pas dobësive të shumta dhe konkurrencës së fortë në treg, kompania e fundit e krijuar Plus Communication ka zgjedhur të shesë shërbimin e saj tek operatorët më të hershëm përkatësisht Vodafone Albania dhe Telecom Albania.
Autoriteti i Konkurrencës bën të ditur se është njoftuar për marrëveshjen që dy kompanitë Vodafone dhe Telecom kanë arritur me kompaninë Plus. Sipas marrëveshjeve të bëra, dy kompanitë do të ndajnë të drejtën e përdorimit të frekuencave të Plus Communication. Procedurat e nisura, paralajmërojnë rikthimin e tregut mobile me tre operatorë. Për mënyrën se si do të konsumatorët e Plus, pritet të vendosin Autoriteti i Konkurences dhe Autoriteti i Komunikimeve Elektronike dhe Postare.
Plus Communication u fut në treg në mes të vitit 2009. Shtimi i operatorëve solli rritje të konkurencës dhe një ulje të ndjeshme të tarifave.
