Serialet në INTV duket se do të jenë kryefjala e këtij sezoni. Jo më larg se dje ju prezantuam me një pjesë të titujve të serialeve që do të fillojnë së shpejti transmetimin.
Sot ju prezantojmë me të tjerë tituj serialesh që do të transmetohen këtë vjeshtë dimër në INTV. Nga Pablo Escobar tek The Vampire Diaries, zgjedhja është e larmishme!
Pablo Escobar
Një burrë i cili me pasurinë dhe pushtetin e tij u bë një nga lordët më të pushtetshëm të drogës në histori. Shumë është thënë për të. Kemi dëgjuar se ishte një njeri i admiruar nga shumë por i urryer nga shumë të tjerë. Të gjithë e dimë se çfarë ka bërë, por askush nga ne nuk e di se si derimë tani. Ky është Pablo Eskobar, padroni i së keqes.
Bates Motel
Çfarë e shtyn një familje të ndryshojë shtëpi? Dëshira për të krijuar një të ardhme më të mirë apo nevoja për të fshehur të kaluarën? Edhe kur arratisemi nga e kaluara, ajo na përndjek sërisht. Norma dhe Norman Beits menduan se filluan një jetë të re por e gjetën vetën në një qytet jo shumë mikëpritës. E ardhmja e ndritur filloi të errësohet. Fymëzuar nga filmi klasik i Alfred Hitchcock Psycho: Bates Motel.
The Vampire Diaries
Një i panjohur. Një sekret. Kur një trekëndësh dashurie përfshin dy vëllezër, çfarë mund të ndodhë? Por këta nuk janë vëllezër si gjithë të tjerët. Vampirë, shtriga, njerëz ujk dhe shumë krijesa të tjera ju presin në një nga serialet më të përgjakur në TV.
Suits
Drejtësia është hyjonre, dhe ne si njerëz mundemi vetëm të manipuojmë ligjet për të arritur atë që duam. Harvey Specter e di shumë mirë këtë gjë dhe nuk ka njeri më të mire se ai për të manipuluar çdo gjë dhe çdo kënd. Ai është një nga avokatët më të zotë në New York por i duhet të gjej një ortak. Mike Ross, një gjeni i ligjit që nuk e ka mbaruar kurrë shkollën bëhet krahu i tij i djathtë. Sekretet dhe hilet e Harveyt janë në rrezik apo në duar të sigurta? Zbulojeni në një nga serialet ligjore më të sukseshme në SHBA: Suits
The Following
Tetë vjet pasi ai u arrestua ai arriti të arratisej nga burgu për të vazhduar atë që kishte lënë për gjysëm. Joe Carroll është një vrasës serial i njohur i cili gjymtoi dhe vrau 14 vajza të reja. FBI thërret Ryan Hardy, i cili kishte arrestuar vrasësin për herë të parë. Hardy zbulon se, gjatë viteve, Carroll kishte mbledhur ndjekës besnikë, të cilët i kishte trajnuar për tu bërë vrasës serial. Në luftën e përjetshme midis të mirës dhe së keqes, kush do të fitojë?
iCarly
Carly i ka të gjitha. Një apartament të madh që e ndan me të villain. Një komshi që është tërësisht i dashuruar me të, dhe një emission në Web që e prezanton me shoqen e saj të ngushtë Sam, ku mund të bëjnë çfarë të duan. Nga e çuditshmja tek më e çuditshmja!
Dance Moms
Gjithmonë kur shohim fëmijë në skenë të cilët performojnë, mbushemi me emocione nga talenti i tyre. Por si kanë arritur deri në këto nivele? Ata gjithmonë falenderojnë prinderit e tyre për mbështetjen. Çfarë bëjnë mamatë për t’i ndihmuar? Po ju zbulojmë vetëm se puthjet dhe përqafimet nuk janë fare pjesë e ndihmës. Zbuloni skandalet e vërteta të prapaskenave në reality show-n: Dance Moms
