Rregullat e tanishme të Akademisë thonë se filmat mund të hyjnë në garë vetëm nëse ato janë shfaqur në një kinema të Los Angeles për të paktën një javë.
Por me mbylljen e kinemave gjatë krizës së koronavirusit, organizatorët thanë se një përjashtim “i përkohshëm” ishte i nevojshëm.
Shumë lansime filmike janë vonuar, ndërsa të tjerët shkojnë drejtpërdrejt në dixhital.
“Akademia beson me vendosmëri se nuk ka mënyrë më të madhe për të provuar magjinë e filmave sesa t’i shohësh ato në një teatër,” tha presidenti i Akademisë David Rubin dhe shefi ekzekutiv Dawn Hudson.
“Sidoqoftë, pandemia historike tragjike Covid-19 e kërkon këtë përjashtim të përkohshëm nga rregullat e Oscars.”
Për herë të parë në histori, Akademia do të lejojë nominimin e filmave që nuk janë shfaqur në kinema, por në shërbime streaming si Netflix, Hulu, HBO, Amazon Prime etj.
Akademia tha se përjashtimi do të përfundonte kur kinematë të rihapeshin.
