Oriola Marashi dhe Eros Grezda pushtuan titujt e mediave rozë pak kohë më parë me lajmin e prishjes së fejesës së tyre. Burime pranë dyshes konfirmuan lajmin e ndarjes duke shtuar se shkak për përfundimin e romancës së tyre u bë distanca dhe keqkuptimet për shkak të largësisë. E ndërkohë që të gjithë fansat u bindën se mes çiftit mori fund njëherë e mirë, ka ndodhur e papritura.
Si të mos mjaftonte një postim i modeles bukuroshe në InstaStory pak ditë më parë, një tjetër detaj ka “thënë me zë të lartë” se ylli i GUESS dhe futbollisti janë rikthyer në krahët e njëri-tjetrit. Oriola ndezi shpresat për një ribashkim, pasi publikoi një pjesë nga kënga e Dhurata Dorës “Only You”. Mes shumë fjalëve të këngës, modelja theksoi “Prapë të du”, duke i lënë të gjithë të dyshonin se ajo dhe Erosi ishin sërish bashkë.
Dhe kështu duket se ka ndodhur pasi dyshja ka nisur të ndjekë njëri-tjetrin në Instagram. Kujtojmë se kur u ndanë ata u fshinë në rrjetin social. Le të shpresojmë që gjërat këtë herë për çiftin e famshmën të shkojnë për mrekulli!
