Festivali i njohur i Këngës Magjike transmetoi dje natën e tretë të edicionit të 23-të, e cila u shoqërua me shumë emocione të frota nga konkurrentët pjesëmarrës. Në fund të mbrëmjes sipas renditjes në votim kaluan 12 artistët shqiptarë dhe 9 artistët e huaj që do të këndojnë në Grand International Final. Në total, të shtunën në Grand International Final do të performojnë 23 artistë. Slogani i festivalit mban emrin “Feel the energy”. Producenti dhe prezantuesi i këtij festivali të përvitshëm, Ardit Gjebrea ndau përshtypjet e tij nga prapaskena në Pallatin e Kongreseve, ndërsa u shpreh se nata finale ditën e shtunë do të jetë plot risi.
“Slogani “feel the energy” është kthyer në një lloj motoje që po përcillet në mënyrën më të duhur jo vetëm nga artistët, por nga secili pjesëtar i stafit gjigand dhe kjo është reflektuar më së miri tek të gjithë. Më lejo të të them që historikisht “Kënga Magjike” ka patur një fenomen që nata e parë ka nisur shkëlqyeshëm, e dyta ndoshta na kanë rënë pak bateritë dhe e kemi marrë veten tek e treta. Ndërsa këtë vit ka ndodhur ndryshe. Nata e dytë mund të them që ka energji shumë më të mira se e para dhe kur thuhet “feel the energy”, na janë mbushur zemrat me energjinë e të gjithëve nga backstage, nga spektatorët, nga telespektatorët, nga artistët na kanë dhënë një aureolë të jashtëzakonshme energjie që ne e kemi transmetuar, e ndiejmë dhe po shumëfishohet. Jam i sigurt që nata e tretë dhe nata e katërt pastaj që do jetë dhe nata finale të shtunën do të jenë risi”, u shpreh Ardit Gjebrea.
10 artistët ndërkombëtarë që shkojnë në finale:
Alvan
Marco Carta
ëe Are Domi
Le Deva
Jason ëalker
Andrea
Omar Naber
Mamagama
Jayoo
Angeles Arboleda
13 artistët shqiptarë që shkojnë në finale:
Irma Libohova
Vesa Smolica
Mariza Ikonomi
Ardit Çuni
Inis Neziri
Michela Paluca
Xhesika Polo
Sheila Haxhiraj
Marsela Çibukaj
Anxhela Peristeri
Sardi Strugaj
Martin Pano
Lorenc Hasrama
Vetëm 11 ose 12 prej këngëtarëve, të vendosur nga juria, do të përzgjidhen dhe 10 apo 11 artistë të huaj që do të shkojnë në natën e madhe ndërkombëtare, mbrëmjen e së shtunës. Natën finale do të ndahen çmimet për muzikën shqiptare e të huaj dhe artistët e rinj.
