Love Island Albania ka thyer rekorde që prej fillimit. Por, tani është momenti të përgatiteni për surprizën e radhës: Përveç emisioneve ditore, do të ketë një spektakël të dedikuar, nën drejtimin e Luana Vjollcës.
Sonte në orën 21:00 një premierë ekskluzive drejtpërdrejtë në Tv Klan, ku do të ketë shumë dinamika, momente të patransmetuara, dashuri të reja, dhe më në fund do të zbulohen opinionistët, të cilët nuk duhet t’i humbisni!
Rikujtojmë se fillimisht 5 çiftet, u trazuan nga hyrja e ‘bombshell’-it, Arlindit. Kaq mjaftoi që të fillojnë të lindin marrëdhënie të reja, por edhe ndarje.
Siç është transmetuar në këto ditë kanë qenë dy prej çifteve Amadea dhe Salion, Arlind dhe Sofiela që kanë vendosur të mos jenë çift me njëri-tjetrin.
Gjithashtu në episodin e djeshëm vilës të dashurisë iu bashkuan edhe dy “bombshell”, të cilët do t’i njihni akoma më mirë në premierën e kësaj të shtune.
Një çift i tretë ka vendosur ndarjen dhe dikush do i bashkohet Luana Vjollcës në studio, por këtë do ta zbuloni ekskluzivisht sonte në orën 21:00, në Tv Klan.
