Gazetari dhe analisti i njohur Andrea Stefani është ndarë sot nga jeta në një spital në Romë, pasi vuante prej një kohe të gjatë nga një sëmundje e rëndë.
Kush ishte Andrea Stefani?
Andrea Stefani punoi prej 20 vitesh në media si gazetar dhe opinionist në organe të ndryshme të shtypit dhe medias vizive shqiptare. Njihej për qëndrimet dhe pikëpamjet jo
konformiste me pushtetet e radhës në Shqipëri.
Dimensionit të tij si gazetar i bashkangjitet edhe aktivizmi i theksuar veçanërisht në
përpjekjet qytetare kundër korrupsionit dhe dominimit autoritarist të shtetit.
Andrea Stefani ka qenë kryeredaktori themelues i së përditshmes “Shekulli” dhe për
shumë vjet drejtues i programit investigativ antikorrupsion “Hapur”. Për më shumë se 10
vjet është mjaft i pranishëm në debatet e përjavshme televizive.
Andrea Stefani është autor i librit publicistik “Albanistan”.
Stafi i IMAlbania.com i shpreh ngushëllimet familjes dhe miqëve për ndarjen e parakohshme nga jeta të të dashurit të tyre.
