Pas udhëtimit të tyre disa javore nga veriu në jug të Shqipërisë, për të promovuar vlerat e bukurisë femërore shqiptare, konkurentet në “Miss Shqipëria 2016” do të mblidhen mbrëmjen e 4 Korrikut në qytetin e Lezhës për të kurorëzuar më të bukurën.
Me 34 bukuroshe në garim, të ardhura nga mbarë trojet Shqiptare, vetëm një prej tyre do të ketë mundësinë për tu ulur në fronin e më të bukurës shqiptare.
Prej disa javësh miss-et, kanë patur mundësinë të votohen nga ana e publikut në faqen zyrtare të Miss Shqipëria, ku më të votuara janë Melisa Maksuti, e cila vjen nga Gjilani i Kosovës me rreth 16390 vota, Erna Goxhaj nga Përmeti me afro 16100 vota, ndërsa në vend të tretë me rreth 6100 vota paraqitet Laura Zuqolli me vendlindje në Londër.
“Miss Shqipëria 2016” do të transmetohet LIVE në kanalin T-HD të platformës Digitalb, duke filluar nga ora 20.30 nga Kalaja e Lezhës nën drejtimin e këngëtares Rozana Radi dhe moderatorit Enkel Demi.
Më poshtë ju ftojmë të ndiqni edhe galerinë e fotove të 34 konkurenteve në këtë event bukurie.
Copyright IMAlbania.com
