Me largimin e të nxehtit afrikan dhe nisjen e shtatorit ka nisur edhe sezoni i ri televiziv. Ky sezon vjen me mjaft surpriza, duke filluar nga largimi i disa personazheve nga një televizion në tjetrin, apo edhe në rastin e disave vazhdimi i punës në të njëjtin ekip.
Në fakt disa prej personazheve i kemi zbuluar se do të largohen nga televizionet që kanë punuar sezonin e kaluar, si Bledian Koka, Marina Vjollca, Eni Shehu, Adela Xhamani. Por të tjerë moderatorë dhe gazetarë të njohur kanë përcjellë të rejat më të fundit.
Disa nga personazhet më të famshëm kanë konfirmuar largimin e tyre nga televizionet ku kanë punuar sezonin e kaluar dhe disa të tjerë janë rikonfirmuar në të njëjtin ekran televiziv. Por cilët janë ata dhe ku do t’i shohim këtë sezon?
1-Alma Çupi
Gazetarja Alma Cupi, e cila drejtonte emisionin “Histori Shqiptare” në ABC Neës do të largohet në një tjetër televizion. Të njëjtin emision moderatorja do ta transmetojë në ekranin e Televizionit Klan. Ky emision do transmetohet cdo të dielë në orën 11:00
2-Anjola Hamzaj
Njëlloj si Cupi, edhe Anjola Hamzaj ka zgjedhur TV Klan për sezonin e ri televiziv. Hamzaj ka ndërprerë bashkëpunimin me televizionin Ora News dhe duke filluar nga ky muaj atë do ta shohim në TV Klan.
3- Mentor Kikia
Mentor Kikia ka një vit që është larguar nga Top Channel dhe këtë sezon ka konfirmuar se do të vijë në një tjetër ekran televiziv. Në Klan Plus Kikia do të ketë të njëjtin rol sin ë TCH, kryeredaktor i edicionit të lajmeve.
4-Ilva Tare
Ndërkohë përvec largimeve të bujshme, disa prej gazetarëve dhe moderatorëvë kanë konfirmuar vazhdimin e punës në të njëjtin ekrav televiziv dhe Ilva Tare është një prej tyre.
Tare ka konfirmuar se do të vazhdojë bashkëpunimin me Ora News, pavarësisht se ndodhet në muajt e fundit të shtatzënisë. Moderatorja në vend të pushimit, sic shumica e grave do zgjidhnin kur ndodhen në muajt e fundit të shtatzënisë, ka zgjedhur të mos heqë dorë qoftë edhe përkohësisht nga emisioni i saj “Tonight Ilva Tare” që transmetohet ën Ora News.
5-Dritan Hila
Dritan Hila është një tjetër personazh që ka zbuluar se ku do ta shohim këtë sezon. Njëlloj si Tare, edhe Hila ka konfirmuar qëndrimin e tij në Ora News, ku drejton emisionin Arena.
